誰保護風雲人物？
高級餐廳內……
「咁樣啦，Ricky，這次BT刑事化，我好希望得到你既支持。不過，我地一定會聽取公眾意見，聽取你地營運商意見。最後，立法又好，唔立法又好，總之我地完全無立場。」
「你梗係咁講啦，哈哈。（無左BT，我檔野會唔會好大鑊？）」
局長說罷，起身去廁所。此時年輕侍應經過。
「呀哥哥仔，問你一個問題，有無玩BT？」
「下？哦……有時……間唔中啦。」
「你下載咩野？」
「我呀？通常……主要係日本動畫呀，電腦軟件呀，仲有甜片……因為香港無人代理，好難買，所以一定要download。」
「（甜片咩野？）咁你有無下載港產片，同本地歌手既歌？」
「港產片？連我阿媽都唔睇啦，而家港產片好垃圾，唔好話入場睇，download我都嫌浪費時間同硬碟容量。仲有，本地班歌手，真係好唔掂！除左E神，我會下載佢D歌，亦會買佢張唱片，至於其他歌手，真係好少聽啦……」
「如果有個新Service，畀你一隻網上硬碟，內有新歌猛片，下載時間，只需77秒，只要一個月費，又快過BT，你有無興趣？」
「新Service？唔好玩啦，合法下載電影音樂，人地美國一早有啦，仲要係用點對點技術，即係BT呀。有齊曬四大RecordLabel既歌，同荷里活電影，仲係免費架喎。你個Service要收錢？」
「（頂，咁大件事，點解公司無人update我，班友仔梗係唔想Do！）哦，係咩？免費咁正呀？即係話香港BT刑事化，對你無影響？」
「有呀，我無日本動畫睇會死架，惟有買老翻。呀係，有幾個舊同學，中五畢業之後，讀唔成書，出黎賣老翻。到時BT刑事化，佢地最開心啦，又有大把世界啦。」
「真係唔BT？」
「如果真係刑事化，仲敢咩，政府實玩殺雞儆猴，我諗香港無人用BT都似。仲有，我唔想平時去邊個網站，討論區講過咩，Blog寫咩都畀人知道曬！」
「（大劑，到時連極速寬頻個Edge都無埋）如果有人話畀你知，某家ISP，企出黎拍心口，保障用戶私隱，保證IP唔會畀人查到呢？」
「我一定轉台呀！邊間ISP會咁偉大？」
======轉載完=========
對,無日本動畫睇我會死的, 同理, 以高速下載在賣點的香港某ISP 也會跟我同歸於盡
powered by performancing firefox